Eby’entambula bisannyaladde ku luguudo oluva e Mityana okudda e Mubende mubitundu bya Kalongo ne Mukyenda oluvannyuma lw’enkuba okufudemba eviiriddeko oluguudo okuseerera. Tukitegedde nti abagoba abamu baasuze wano olw’embeera y’ekkubo okulabalemesa okweyongerayo era nga akalippagano ketusanzeewo ka maanyi. Oluguudo luno luli mu kukolebwa era ekitongole ekikola enguudo ki UNRA kyakalakase ebitundu ewabadde wasinga okubeera ebinnya nga kirowoozebwa nti ky’ekiviiriddeko akaseerezi.