Minisitule ye byobulamu etubuulidde nti ekirwadde kya kawaali w’enkima kyakatta abantu mukaaga mu ggwanga lyonna, kyoka nga ggwo omuwendo gwabalwadde gutuuse ku 1,044. Dr. Daniel Kyabayinze akola ku by’obujanjabi atubuulide nti disitulikiti 57 zezakazuulwamu ekirwadde kino, wabula nga kisinga mu Kampala ne Wakiso. Ono ayagala abantu babeere begendereza nnyo naddala mu kaseera kano ak’ennaku enkulu.
Omusumba we ssaza lye Masaka Serverus Jjumba akyalidde abasibe mu makomera agasangibwa mu bizinga bye Sesse n’abasaba okubeera abakakkamu, n’okukkiriza okudda eri Mukama. Ababuulidde nti bagwana bakozese akadde kano ak’obusibe , okwenenya n’okukyusa mpisa zaabwe, kyoka mu byonna baleme okuggwamu esuubi.
Abaddukanya ekisaawe kye Ntebe balabudde abantu abatekateeka okukozesa ekisaawe ky’ennyonyi entebe nti bateketeeke engendo zaabwe mu budde nga kino kivudde ku bungi bw’abasaabaze. Omwogezi w’ekitongole ekikola ku mbuuka z’ennyonyi ki Civil Aviation Authority Vianney Lugya agambye nti olwabantu abangi abayingira, ko nabafuluma eggwanga, kyangu nnyo omuntu okusubwa ennyonyi ebadde emutwala.
Abakugu mu nkola ya Yinsuwa bawabudde abaafiiriddwa ebintu byabwe mu muliro ogwakutte Garagi y’e mmotoka e mulago kubbiri okuddukira mu yinsuwa zaabwe zibaliyirire naddala eri abo ab’ebidduka. Kinajjukirwa nti bangi ku bannyini mmotoka baabadde batadde nnyini kifo ku nninga okubaliyirira, newankubadde naye teyasigazza kantu. Kati aba Yinsuwa bagamba nti tegugwana kuba mutawaana gwa nnyini kifo […]
Poliisi y’ebidduka etubuulidde nga eky’okuyiwa basajja baayo ku nguudo ng’obudde bukyali ,bwe kiyambye ennyo okutangira obubenje obungi obutera okugwawo mu kaseera kano ak’ennaku enkulu. Ayogerera ekitongole kino Micheal Kananura atubuulidde nti tebannafunayo kabenja kamaanyi mu ggwanga lyonna nga kekuusa ku nnaku nkulu , ekibawadde amaanyi nti ebikwekweto byabwe bivuddemu ekiramu. Kyoka alabudde abagoba be biduka […]
Abantu abaasimatuka okubumbulukuka kw’ettaka e Bulambuli ne batwalibwa mu gombolola ye Bunambutye wetwogerera bali mu kuyagga. Kyaddiridde kibuyaga okumenya weema mwe babadde basula. Kiddiridde nnamutikwa w’enkuba eyatonye akawungeezi k’eggulo, eyalese weema saatu ennena mwebasula nga ziri ku ttaka n’abantu musanvu ne bafuna ebisago ebyamaanyi. Batubuulidde nti ekiro ekikeeseza olwaleero baasuze mu mpewo.
Uganda Revenue Authority is set to acquire the personal details of all customers of the National Water and Sewerage Corporation to identify and register people who have not been paying taxes. Whereas some members of the public are concerned about this plan by the two state agencies, legal minds argue that it is lawful for […]
Akakiiko akalera eddembe ly’obuntu kennyamivu olw’omuwendo gw’abaana abawala abafumbirwa nga tebanetuuka okusigala waggulu newankubadde buli kisoboka kikoleddwa okulwanyisa enkola eno.Bano bagamba nti newankubadde abaana ab’obuwala abafumbizibwa nga tebanetuuka bakendedde okuva ku bitundu 36% mu mwaka 2016 okudda ku bitundu 33% mu 2024,omuwendo guno gukyali waggulu nnyo.Okusinga bagamba nti kino kyavuka ku muggalo ogwaleetebwa COVID – […]
Minisiter omubeezi ow’e takka Sam Mayanja alagide abatuuze kyaalo Naminya South mu Njeru municipality okumenya ekisenge ekyaali kyazimbibwa Kampuni ya Nytil mu oluguudo oluyisa abatuuze. Ekubo NYTIL lyeyaggala lyali liyisa abantu abave e Njeru okudda ejinja,songa era lituuka lu luguudo lw’egaali y’omukka.Kati minisita Mayanja asinzidde mu lukiiko lw’akubye ku kyalo kino,n’alagira abatuuze okumenya ekisenge kino […]
Stay informed with NTV Uganda, your trusted source for breaking news, live TV, sports updates, entertainment, and exclusive features. Stream live and catch up on your favorite shows anytime, anywhere.
Copyright © 2024 NTV Uganda. Terms & Conditions, Privacy Policy