Obufere mu zzaabu, e Ntebe waliwo akwatiddwa

Police Entebbe n’akakiiko akalwanyisa enguzi mu maka g’omukulembeze baliko ekikwekweto kye bakoze, mwe bagwiiridde ku kifo ekijudde zzaabu ow’ebicupuli n’ensimbi. Kino kizzeewo oluvannyuma lw’amawulire ameekusifu bano gebazze bafuna nti waliwo zzaabu omujingirire ayisibwa ku kisaawe ky’ennyonyi e Ntebe okugenda mu mawanga amalala. Tutegeezeddwa nti ensimbi ezisangiddwayo ziri kumpi mu bukadde busatu obwa doola wabula ng’ezisinga […]

Eby’okwerinda by’olunaku, aba biici, wooteli n’ebbaala balabuddwa

Abebyokwerinda Entebbe bakkaanyizza obutawa muntu yenna kakalu ka police kasita akwatiibwa mu musango gwonna mu nnaku z’ebikujjuko. Okusinziira ku RDC w’e Entebbe Hakim Kiriggwa , baamaze dda okuta buli abadde mu kaduukulu ku misango emitonotono okusobola okufuna aw’okusibira abanaakwatibwa. Ab’ebyokwerinda era baweze abaana okuwugira mu nnyanja , bbaala eziwogganya endongo n’ebiragiro ebirala bye bawedde.

Omugotteko ku kisaawe Entebbe, abayingira eggwanga bayitiridde obungi

Abaddukanya ekisaawe kye Ntebe balabudde abantu abatekateeka okukozesa ekisaawe ky’ennyonyi entebe nti bateketeeke engendo zaabwe mu budde nga kino kivudde ku bungi bw’abasaabaze. Omwogezi w’ekitongole ekikola ku mbuuka z’ennyonyi ki Civil Aviation Authority Vianney Lugya agambye nti olwabantu abangi abayingira, ko nabafuluma eggwanga, kyangu nnyo omuntu okusubwa ennyonyi ebadde emutwala.

Live TV