Aba ghetto bamazeeko Ssekukkulu nga banywa bwe bayimba

Ennaku za Ssekukulu ziba nnaku za kusanyuka na kubinuka masejjere, era leero tusobodde okutalaaga ekibuga okulaba bwegubadde. Newankubadde enkuba yasoose n’eremesa bangi okweyagala, olubadde okusammukamu, nebatandikirawo.

Musasaanye ku ssente zammwe – Abasumba bakubirizza abalokole

Abakkiriza basabiddwa okwejjiramu ddala okweyagaliza, omulugube n’okwefaako bokka bayambe bonna abali mu bwetaavu. Bino byogeddwa okulira enzikiriza y’abalokole wansi w’ekibiina ki Born Again Faith Dr Joseph Sserwadda mu kusaba kwamazaalibwa ku kanisa ya Victory Christian Life Church mu Ndeeba.

Omulabirizi Moses Banja avumiridde enguzi

Okusaba kwa ssekukkulu e Namirembe kukulembeddwamu omulabirizi Moses Banja asinzidde mu kusinza okwo n’asaba gavumenti okwongera amaanyi mu kuyamba bannansi okufuna obwenkanya kubanga bangi enguzi ebalemesezza.

Ssenyonyi aloopedde bannadiini ensonga

Omusumba omukulu ow’ekanisa ya St Andrew’s Church Bukoto Rev Canon Michael Mukhwana asabye abakuuma ddembe okukomya obwanantagambwako ekibaviirako okukozesa obubi emmundu. Bino abyogeredde mu kusaba kwa ssekukulu ku St Andrew’s Church Bukoto. Ye akulira oludda oluvuganya gavumenti mu palamenti Joel Ssenyonyi asinzidde eno okusaba bannayuganda okujumbira eby’obufuzi n’okusabira eggwanga ku buli bw’enguzi obukudde ejjembe ensangi […]

Temukebeza baana ndaba-butonde – Ssaabalabirizi Kaziimba akalaatidde abazadde

Ssaabalabirizi w’ekkanisa ya Uganda Stephen Kaziimba Mugalu awakanyizza eky’abazadde abakebeza abaana endagabutonde n’ekigendererwa eky’okukakasa nti baabwe. Kaziimba agamba nti abaana nga bano kigwanye abazadde babeere nabo ng’abaana bebayola obwozi okusinga okubakebeza ate nekisattulula amaka. Ssaabakabirizi yakulembeddemu okusinza kwa ssekukkulu ku kkanisa ya All Saints e Nakasero.

Kuuma eddembe ly’obuntu – Ssaabasumba Ssemwogerere asabye gavumenti

Ssaabasumba w’essaza ekkulu ery’e Kampala, Paul Ssemogerere asabye gavumenti essira okuliteeka ku kukuuma eddembe ly’obuntu kko n’okulwanyisa enguzi, by’agamba nti bifuuse baana baliwo mu ggwanga lyattu. Bino Ssaabasumba abyogeredde mukubuulira n’okuwa obubaka bwe obw’amazaalibwa ku Lutikko e Lubaga.

UPDF ekoze bbandi egenda okukubanga ebivvulu

Amagye ga UPDF galeese ekibinja kyabayimbi ne banda eyeetongodde bavuganye mu kisaawe ky’okuyimba n’okwewummuzaamu. Batubuulidde nti babade bakooye okupangisa abayimbi naddala ku mukolo gyabwe, kati baagala byonna babyekolerere, nga bagattako nokuyimbira bannayuganda abalala ababa babeetaaze. Bano baakwegatta ku biwayi bya bannabitone ebirala ebiri mu maggye gamba ng’abaddusi,abakubi b’ebikonde, abazanyi b’omupiira n’abalala.

Eby’okwerinda by’olunaku, aba biici, wooteli n’ebbaala balabuddwa

Abebyokwerinda Entebbe bakkaanyizza obutawa muntu yenna kakalu ka police kasita akwatiibwa mu musango gwonna mu nnaku z’ebikujjuko. Okusinziira ku RDC w’e Entebbe Hakim Kiriggwa , baamaze dda okuta buli abadde mu kaduukulu ku misango emitonotono okusobola okufuna aw’okusibira abanaakwatibwa. Ab’ebyokwerinda era baweze abaana okuwugira mu nnyanja , bbaala eziwogganya endongo n’ebiragiro ebirala bye bawedde.

E Ndaiga abakazi b’embuto bayita mu bugubi

Egombolola Ndaiga esangibwa ku Nyanja Muttanzige oba Albert esalagana n’e ggwanga li Congo mu disitulikiti ye kagadi ng’ewangaliramu abantu abasoba mu mitwalo ebiri. Eky’ennaku bano balina eddwaliro limu lyokka ku mutendera gwa Health Center two kyokka nga lyesudde wala nnyo n’ebitundu ebimu naddala eby’ebizinga. Mu mboozi eno ey’ebitundu ebibiri tugenda kukulaga okusomooza abatuuze beeno kwe […]

Live TV